شهدت على عدة مواقف كانت فيهم في قمة الوقاحة وعدم الاحترام، جدامي تطاولت لفظياً على شاب كفيف يا قبل وقت المحاضرة اللي بعد كلاسنا (بفچة العشر دقايق وأغلب البنات مشو من القاعة فكانت شبه فاضية أصلاً)، غالباً في أحد من ربعه وصله وراح كلاسه، طقت عالطاولة مالتها وتزفه على أساس "هذا مو وقت الكلاس" صار هالشي و في جم بنت صافين طابور عندها يبون يكلمونها بعد الكلاس وانا كنت معاهم، وفشلت حرمة كبيرة في السن كذا مرا بكلاس الخطابة وواضح تمييزها بين اللي عنده اكسنت واللي ما يعرف انجلش خاصة لو وحدة لابسة نقاب ومحتشمة، وايد تبطل مواضيع جانبية ما لها شغل بالدرس بس تستخدمهم كأمثلة وغصب غصب تدخل الليبرالية وغيرها من أشياء تافهة و مزعجة، إلا تعرف رايك عن قضايا ما تمثلنا نفس الجندر مثلاً، الحين شكو انا ماخذة كلاس writing يصير كلاس مناظرات إلحادية وسوالف و حش بالمشاهير، ما أنصح أبداً تاخذون عندها، صح امتحاناتها اوبن بوك وسهلة بس الأسئلة تحر غصب غصب تروج حق ذاك الcult
.